Бомждарды қалай азайтуға болады?

Screenshot_14.jpg

Әділет министрлігі жанындағы Ведомствоаралық комиссияда «Ақ жол» партиясы депутаттарының ынтасымен жеке тұлғалар мен жеке кәсіпкерлердің банкроттығы жайлы заң жобасы талқыланды

Азаматтардың әлеуметтік құқықтарын қорғауды өзінің басты миссиясы санайтын «Ақ жол» партиясы өткен жылдың желтоқсан айында аталмыш заң жобасын комиссияның қарауына ұсынған болатын. Айта кету керек, 2013 жылы Қазақстан үкіметі банкроттық туралы заңға «Ақ жол» партиясы тарапынан ұсынылған жеке тұлғалар мен жеке кәсіпкерлердің банкроттығы туралы тарауды енгізуден бас тартқан еді.  Фракция басшысы Азат Перуашевтің пікірінше, жеке тұлғалар мен жеке кәсіпкерлердің банкроттығы туралы заңның қабылдануы дағдарыстың кесірінен несиесін төлей алмай, баспанасынан айрылып, бомжға айналатындар санын қысқартар еді. 

«Дағдарысқа байланысты жұмыссыз қалған немесе өз мүмкіндігін дұрыс екшей алмай, банктер алдындағы берешегін өтей алмай жүргендер саны артып келеді. Әрине, адам алған қарызын өтеуі керек. Бірақ дағдарыстың салдарынан осындай қиын жағдайға түсіп қалған адамдардың бомж болып, көшеде қалуына немесе ашқұрсақ өмір сүруіне жол бермеуіміз керек. Мұндай адамдарға тым болмаса, жатақханадан бір бөлме беріп, иелігінде аштан өлмейтін шамада қаржы қалдырылуы керек» - дейді Азат Перуашев. 

Азат Перуашевтің мәлімдеуінше, үкімет, атап айтқанда қаржы министрлігі аталмыш заңның қабылдауына мүдделлік танытып отырған жоқ. Қаржы министрінің орынбасары А. Теңгебаев осы іспеттес заңның қабылдануы 2017 жылға жоспарланғанын айтып отыр.

Ведомствоаралық комиссияның шешіміне сай, аталмыш заң жобасы тағы да пысықталып, Республикалық бюджеттік комиссияның қарауына ұсынылатын болды

Мұрағаттан, 2016 ж

Мүмкін сізді қызықтыратын тақырыптар:

  • Мамандықсыз жүрген мамандар
  • Дистимия деген не?
  • «Чернобыль апаты» АЭС жарылысы
  • Әскери ант мәтіні
  • Қазақтың жауы Ресей де, Қытай да, Бұхар да емес...
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика