Экс-министр Елжан Біртановтың шетелге қашып кетуі мүмкін бе? (видео)

Oinet.kz 06-05-2021

Аса ірі көлемде мемлекет қаражатын жымқырды деген күдікпен ұсталған Денсаулық сақтау экс-министрі Елжан Біртанов тергеуден қашып кетуі мүмкін. Осылай деген прокурор оны қайтадан үйқамаққа алып, жұмысқа шығармауды сұрады, деп хабарлайды Oinet.kz Информбюро жаңалықтар қызметіне сілтеме жасап.

Елжан Біртанов.jpg

- Тергеу Елжан Біртановтың үйқамақта отырғанда отбасы мүшелерінен бөлек басқа да адамдармен, қорғаушылармен де сөйлесуге тыйым салынғанына қарамастан олармен бірнеше рет арласқанын анықтады. Сондай-ақ, күдікті Біртанов пен оның жақындарының атында шетелде жылжымайтын мүлік тіркелген және тұруға рұқсаты бар екенін анықтап отыр - деді прокурор Төлеген Жараспаев.

Прокурор экс-министрдің шетелден қашып кетуінен күдіктенетінін айтады. Сол себепті Елжан Біртановтың үйқамақта отыру мерзімін 14-ші маусымға дейін, яғни 1 айға дейін созуды сұрады. Бірақ, бұған келіспейтін Біртановтың қорғаушылары оны ешқайда шықпау туралы қолхатпен босатуын айтты. 

Бұған дейін, 1 жарым миллиард жымқырды деген күдікпен ұсталған экс-министрдің үйқамақ мерзімі 14 мамырға дейін ұзартылып, таңғы 8-ден кешкі 7-ге дейін жұмыс істеуіне рұқсат берілген еді. Сотпроцесі қайта жалғасады. 

«Екпе салдырмасаң, керек құжатыңды бермейміз» – еріксіз вакцина алғандар шағымдануда
«Біртановтың түк кінәсі жоқ» - адвокаттар


Сәйкес тақырыптар
Көтерілу
×