Бұрынғы мәдениет және спорт министрі, жақында 8 жылға бас бостандығынан айырылған Арыстанбек Мұхамедиұлының адвокаты ұсталды, деп хабарлайды Oinet.kz тілшісі.

Бұл туралы журналист Михаил Козачков жазды. Дерекке сүйенсек, Мустахим Тулеевтің үстінен Арыстанбек Мұхамедиұлының әйелі арызданған.

"Ақпарат расталды. Экс-шенеуніктің әйелі адвокатқа қомақты қаржы берген. Ол сотта Арыстанбекке барынша жеңіл жаза бергізуге тырысатынын айтыпты. Бірақ бәрі ойлағандай болмады", - деп жазады Козачков.

Іс алаяқтық және пара беруге итермелеу баптарымен қаралуда. Экс-шенеунік адвокаты қамауға алынған.