Талайға арман болған Дубай қаласының ауа-райы құрғақ климатты екені баршаға мәлім. Бұл шаһардың кейде тұманның құшағында қалатын әдеті бар. Аппақ тұманнан зәулім ғимараттардың басы ғана қылтиып көрінгенде табиғаттың құбылысына таң қалмасқа шараң жоқ. Статистикалық мәліметтерге қарағанда тұман қалада жылына алты рет түн көрпесін жамылғанда шығып, таңға жуық сейіліп кетеді екен. Немістің фотографы Себастьян Опитз осы әдемі көріністі суретке түсіру үшін 5 жылдай уақытын сарп етіпті.