Бөлімі:                                   Тіл дамыту, сурет.

Тақырыбы:                          «Менің отаным, менің үйім»

Мақсаты:                             Отбасы туралы түсінік.

БМ:                                       Өз ойын еркін жеткізе білуге,әңгімелеуге үйрету.

ДМ:                                       Ойын арқылы есте сақтау қабілеттерін, сурет салу

                                               дағдыларын қалыптастыру, сахналау арқылы

                                                артистік қабілеттерін дамыту.

ТМ:                                        Отбасы мүшелеріне құрметпен қарауға тәрбиелеу.

Көрнекілік:                         Үйдің суреті, буклет, ата, әже, әке, шеше, бала, қыз

                                               Суреті. Менің жанұяам атты газет.

Әдіс тәсілі:                           Түсіндіру, әңгімелесу, сұрақ- жауап, сахналау.

Тәрбиешінің

Іс-әрекеті:                            Балалар бүгін бізге қонаққа апайларымыз келіпті.

                                               Қане апайларымызбен амандасып алайық.

Балалардың іс әрекеті:    

                                               Білгір қазақ баласы,

                                               Сәлем сөздің анасы.

                                               Тобымызға келіп отырған,

                                               Апайларға қарашы.

                                               Бәрінеде ізетпен,

                                               Біздер сәлем береміз.

Ұйымдастырушылық

Ізденімпаздық:                   «Еркелету» жылулық шеңбері.

            Балалар біздің әрқайсымыздың өз отбасымыз бар. Отбасы бірнеше адам-

нан тұрады.

-Отбасы мүшелері кімдер балалар ?

-Ата ,апа, әке, шеше, аға, іні, әпке, т.б.        

-Балалар, кім өз отбасы туралы айтады ?

-Жанелдің үйінде жеті жан тұрады екен.

-Жанел отбасы мүшелерінің аттарын атап шықшы.

-Балалар осы отбасында тұратын адамдар кез-келген істі бірігіп атқарады, бір-

 біріне көмектеседі.Отбасында біз үлкендерді сыйлауға, кішілерге көмектесуге,

 оларға қамқор болуға үйренеміз.

-Қане балалар айтыңдаршы біз үйде үлкендерге не істеп көмектесеміз ?

-Ыдыс жуып, үй жинап, су тасып, т.б.

-Өте жақсы балалар.

-Әр адам өз отбасын құрметтеуі, сыйлауы, сүюі тиіс.Сол себепті Отан сияқты

 әркімнің отбасы ыстық дейміз.

-Балалар айтыңдаршы :

-Туған жерді сүйетін кім ?

-Ата-ананы сүйетін кім ?

-Досын сүйетін кім ?

-Болашағы елімнің кім ?

-Балалар отбасы мүшелері туралы қандай мақал-мәтелдер білесіңдер ?

 Ерасыл:      Балапан ұяда не көрсе,

                      Ұшқанда соны алады.

 Бұл мақалдың мағынасы отбасында қандай тәрбие алсаң өскенде сондай

 боласың дегенді білдіреді.Олай болса балалар біз үлкейгенде тәрбиелі , әдепті болу үшін жақсыдан үйреніп, жаманнан жиренуіміз қажет. Әке-шешеміздің

 ақылын тыңдауымыз қажет.

 Нұрсұлтан :  Ана көрген –тон пішер,

                         Әке көрген -- оқ жонар

 Әкесі, анасы бар адам солардан көргенін, білгенін бойына сіңіріп өседі.

 Сергіту сәті :       Бір үйде біз нешеуміз ?

                                Кел санайық екеуміз

                                Бас бармағым - әкем ,

                                Балан үйрек -  шешем .        

                                Ортан терек – ағам ,

                                Шылдыр шүмек – мен.

                                Титтәй бөбек – сен ,

                                Бір үйде біз нешеуміз ?

                                Бір үйде біз бесеуміз.

       Балалар , біз ана сүтін беріп өсірген аналарымызды,  тәрбиенің арқасында саналы, ақылды етіп тәрбиелеген әкелерімізді құрметтеуіміз қажет.

 -Мына суреттерде кімдерді көріп тұрмыз ?

 -Ата , апа , әке , шеше , ұл бала , қыз бала.

 -Қазір біз « Кім жоқ»  дидактикалық ойынын ойнаймыз.

-Балалар мына газеттегі кімнің жанұясы ?

 -Айымның.

 -Тағы не көріп тұрмыз ?

 -Ағаштың суреті.

 -Ағаштың тамыры, онда Айымның әкесінің әке-шешесі мен шешесінің әке-ешесі тұр.

Себебі олар ағаштың тамыры сияқты біздің мықты тірегіміз, данамыз, қамқоршымыз, Айымның әке-шешесін дүниеге әкелген адамдар.

Тамыры ата-аналары болса ал діні әке-шешеміз, бұтақтары балалары.

«Ұшқан ұя» оқиғасының желісімен көрініс.

Жүргізуші: Үш атпен ақсақалдар қонаққа келеді.

Даниярдың әкесі қонақтарға қымыз құйып отыр.

Әкесі: Мал-жан аман есен бе ?

Ақсақалдар: Шүкір аман есен.

Әкесі: қымыз алып, әңгіме айта отырыңыздар.

Ақсақалдар: қымызды жақсы ашытыпсыз, дәмді, тіл үйіреді екен.

Жүргізуші: Данияр ұялып, үйден шыға жөнеледі.

                     Сыртта біраз тұрұп, нық басып қайта кіреді.

Қайрат:      Ассалаумағалейкум аталар!

Жасұлан: Алейкум  салам

                        Өркенің өссін балам

                        Азамат бол

                        Жасың ұзақ болсын.

Әкесі: Жарайсың балам! Үйге кіргенде әрқашан үлкендерге сәлем беруді

            ұмытпа. Әдепті бала сөйтеді. Балам енді аталарыңа жеті атаңды санап

             Берші.

Қайрат: 1- Жарты                      7- Өмірсейіт

                2- Сырлыбай                8- Ахмет

                3- Солтангелді             9- Айдын

                4- Сабазбай                  10- Мен

                5- Байсейіт

                6- Жақсыбай

Ақсақалдар : Недеген жеті атасын білетін текті бала. Көп жаса.

Қайрат:     Сіздер біздің ауылға қонаққа келіп қалған екенсіздер. Мүмкін менің

                    Достарымның өнерін тамашаларсыздар.

Ақсақалдар: Ә бәрекелді! Тамашалайық.

Қайрат:         Ұл қызына ерген

                        Немереңбіз әже

                        Немереңнен өрген

                        Шөбереңбіз әже

                        Үйреткен сөз мәнін

                        Тілімізсің әже

Ақерке:  Жарқыраған дәйім,

                Күнімізсің әже.

                Шуағыңды сеуіп,

                Жайна, анамыз әже

                Жұлдыздарың сені

                Айналамыз әже.

Айжан:   Ата- үлкен кәріміз,

               Қуат берер дәріміз.

               Әулиедей аялап

               Ардақтаймыз бәріміз,

Нұрсұлтан: Мейірімді апалар,

                 Балалар кеп бата  алар .

                 Қалтасына кәмпит сап

                 Немереге апарар.

Арман: Алтын ұяң- Отан қымбат,

                  Құт берекең атаң қымбат.

                  Аймалайтын анаң қымбат,

                  Мейірімді апаң қымбат

                  Кіндік кескен жерің қымбат,

                  Ұят пен ар қымбат.

Каусар: орындауында «Анашым» әні.

Ақсақалдар: Рақмет балаларым.

                       Өркендерің өссін. Көп жасаңдар.

                       Талаптарыңа нұр жаусын! Олай болса балаларыма бата беріп                                                                                                     

                       жіберейін.

Бата:             Жаз келіп көңілің жай болсын,

                       Көргенің шаттық той болсын.

                       Абзал досың көп болсын,

                       Берген батам сол болсын.

Ойын:        «Тату- тәтті жанұя» қимылды ойын.

                       Балалар, әр отбасының өз үйі болады. Менің де өз үйім бар.

                       Әр қайсысымыздың үйіміз, әр түрлі болады, ендеше әр         

                       қайсысымыз өз үйіміздің суретін салайық. Балалар  үйдің төбесі,                        

                       керегесі, терезесі, есіктері қандай геометриялық пішіндерге                        

                        ұқсайды ?                  

                      - Үшбұрыш, төртбұрыш, кімнің үйі қандай екенін салған суретте-

                       ріңнен көреміз.

                       Балалардың өз бетімен жұмысы.

Сергіту сәті:Апам үшін күнде мен,

                      Отынға ағаш жарамын.

                      Су құйамын күнде мен,

                      Дүкенге де барамын

                      Сыпырамын үй ішін,

                      Жуам ыдыс- аяқты.

                      Жылай қалса бөпемді,

                      Жұбатамын ойнатып.

         Сабақ соңында балалардың жұмыстарын  талдап , сабаққа белсене араласқан балаларды мақтау, мадақтау.

Біз не білдік:

1.     Отбасының бірлігі мықты болса, алынбайтын қамалға айналады.

                        2. Өз отбасыңдағы жандарды құрметтеу.