Зейнеткер Иманғали Тасмағамбетов жаңа қызметке тағайындалды

Oinet.kz 06-06-2021

Қазақстанның Ресейдегі бұрынғы Төтенше және өкілетті елшісі болған саясаткер Иманғали Тасмағамбетов "КАМАЗ" ЖАҚ директорлар кеңесінің құрамына өтті деп хабарлайды BAQ.KZ. 

Screenshot_5.jpg

Фотода Иманғали Тасмағамбетов ҚР Тұңғыш Президенті Н.Назарбаевпен. Фотоның мақалаға қатысы жоқ

Айта кетейік, осы жылдың наурыз айында ресейлік компанияның акционерлері сайлауға екі үміткерді ұсынғаны туралы хабарлаған еді. Олардың біреуі – КамАЗ қызметкерлерінің біріккен бастауыш кәсіподақ ұйымының төрағасы Кирилл Пузырко болса, екіншісі 2019 жылдың желтоқсанына дейін Қазақстанның Ресей Федерациясындағы Төтенше және өкілетті елшісі қызметін атқарған Иманғали Тасмағамбетов. 4 маусымда өткен жылдық жалпы жиналыста Иманғали Нұрғалиұлы мүшелікке өтті.  

"КАМАЗ" ЖАҚ – ресейлік компания, дизельді жүк көліктері мен дизельді қозғалтқыштарды өндіреді. Сонымен қатар автобустар, тракторлар, комбайндар, электр қондырғылары, жылу шағын электр стансалары мен компоненттер шығарады. Негізгі өндіріс Набережные Челны қаласында орналасқан.

Иманғали Тасмағамбетов 1956 жылы өмірге келген. Ол Қазақстандағы ең жоғарғы саяси қызметтерді атқарды. Қазақстан Үкіметін басқарды. Алматы мен Астана қалалары және Атырау облысының әкімі болды. Президент Әкімшілігіне жетекшілік етті. Қорғаныс министрлігінің де тізгінін ұстаған. Соңғы қызметі – Қазақстанның Ресейдегі Төтенше және өкілетті елшісі. Ол бұл қызметтен 2019 жылдың 18 желтоқсанында кетіп, зейнетке шықты. 

Шымкентте Ресей азаматының орнына Қазақстан азаматы басшы болып тағайындалды
«Халық тамақтың өзін кредитке алып жатыр» Тайжан Экономика министрін сынға алды


Сәйкес тақырыптар
Көтерілу
×