Ішкі істер министрлігі полицияның Казнетте балаларға қауіп төндіретін порнографиялық мазмұнды ресурстарды қалай тексеріп отыратындарын айтты.

«Ішкі істер министрлігі интернеттегі заңсыз ресурстарды, соның ішінде балалардың моральдық, физикалық дамуы мен психикасына нұқсан келтіретін ресурстарды анықтау бойынша шаралар қабылдауда.

 Жасанды шоттары бар кәмелетке толмағандардың заңсыз контенттері және балаларға қарсы қылмыс жасаудың алғышарттары анықталады», - деді ішкі істер министрінің бірінші орынбасары Марат Қожаев.

Оның айтуынша, 2019 жылы 6 мың порнографиялық ресурстар анықталып, 800-ден астам сайтқа кіру бұғатталған.