Ұлытау облысының прокуратурасы мемлекеттік қызметкерлердің құмар ойындарға қатысу фактілерін анықтады. 

Ұлытау облысында мемлекеттік қызметкерлер сыбайлас жемқорлыққа қарсы заңнаманы бұзғаны үшін жұмыстан шығарылды. "Сыбайлас жемқорлыққа қарсы іс-қимыл туралы" заң  бойынша мемлекеттік қызметкерлерге құмар ойындарға қатысуға тыйым салынады. Себебі бұл сыбайлас жемқорлық тәуекелдерін тудырады және қоғамның мемлекеттік қызметке деген сеніміне нұқсан келтіреді.

Талдау барысында 36 мемлекеттік қызметкер, оның ішінде 10 басшы, "Olimpbet" және "1XBET" букмекерлік компанияларында бәс тіккені белгілі болды.

Прокурорлық қадағалау актісін қарау нәтижесімен мемлекеттік қызметкерлер қызметінен босатылды.