Ақтау тұрғыны көпқабатты үйдің төбесіне тауық қора салып алған (видео)

Oinet.kz 11-11-2021

Ақтауда ер адам алты баласын асырау үшін 12-шағынаудандағы он қабатты үйдің төбесіне тауық қора салып алған, деп хабарлайды Oinet.kz тілшісі "Лада" сайтына сілтеме жасап.

image.png

Тауық қора салу идеясы Русланға бір айдан аса уақыт бұрын келген. Оның себебі - азық-түліктің қымбаттауы. Шатырдың кілтін ПИК-тен алған. Ол тек құстармен шектелмей, қоян да асыраған.

- Төбе қоқысқа толы болды. Тазалап, дұрыстадым, бөлмені жылыттым, - деді ол.

Басында кейбір тұрғындар тамақ пен тамақ қалдықтарын беріп көмектескен. 10 қараша, сәрсенбіде полиция келген. Себебі көршілер жағымсыз иіс пен түндегі құстардың дауысына шағымданған.

Полицейлер ҚР ӘҚБтК-нің 408-бабы ("Ауыл шаруашылығы жануарларын жаю ережелерін, иттер мен мысықтарды асырау және серуендету ережелерін, қаңғыбас иттер мен мысықтарды аулау және жою ережелерін бұзу") және ҚР ӘҚБтК-нің 505-бабы ("Қалалар мен елді мекендердің аумақтарын абаттандыру ережелерін бұзу, сондай-ақ, қала мен елді мекендердің инфрақұрылым объектілерін бұзу, жасыл екпелерін жою және бүлдіру") бойынша әкімшілік хаттама толтырды.

Енді Русланға 65 мың теңгеден аса айыппұл салынады. Фермер құстар мен қояндарды қораптарға салып, үйіне алып кетті. Енді оларды жеке шаруашылығы бар адамдарға беруге мәжбүр болады.

Екі оқушының ойыны қайғылы оқиғамен аяқталды (видео)
Жоғарғы сотқа жаңа судьясы сайланды


Сәйкес тақырыптар
Көтерілу
×