Күрделі операцияларда қолданылатын анезтезияның тарихы 1846 жылдың 16 қазанынан бастау алады. Айтулы дата күні Бостон қаласының қосхирургі  Джон Уоррен мен Уильям Мортон медицина тарихында алғаш рет мойындағы ісікті алу отасы кезінде эфир қоспасынан дайындалған анестезияны қолданды.

Операция дүйім жұрттың көзінше жасалды. Ауруды сездіртпей жасалған ота сәтті аяқталып, сенсациялық жаңалық ретінде жер бетіне тарай бастады. Алайда дәрігерлердің еңбегі оң бағаланбады. Уоррен мен Мортон көп ұзамай алаяқтық пен адам денсаулығына келтірген зияндары үшін сотқа тартылды.