Жұмекен Нәжімеденов: Күн батарда

Oinet.kz 24-08-2020 708

5b6a4c56a27e94f39f0ffad2c15a33b8.jpg

...Көгіс тартып тұр безеріп қыр үсті,

Қоя аурудан айықпаған баладай.

Кәрі шыңдар бір-біріне суысты,

Суық сәуле кезіп жүрді жағалай.


Тау әжімі терең тартып барады,

Бір ұлылық тұрды жұртқа білінбей.

Сайдың бетін жеңіл мұнар жабады,

Бір ғажайып жасыл көлдің түбіндей.


Мұнартты тау, қалғыды ма ол анық,

Шаршатты ма таскөмір-бұлт жаныштап?

Аспан, міне, келді төмен таянып,

Шың барады бірте-бірте алыстап.


Алыстағы трактордың гүрілі

Тауға соғып, тас кесектей кұлады.

Түсті иыққа Алатаудың бұрымы,

Сыңғыр етті ақ бұлақтың құлағы...

Жұмекен Нәжімеденов: Қане, достар, қимылдалық күн қызбай
Жұмекен Нәжімеденов: Тау төсі ақ көбік, ақ айран
Сәйкес тақырыптар
Көтерілу