Ауру - өлімнің алғашқы елшісі.

Ауру желмен кіріп, термен шығады.

Ауру өле-өлгенше жаннан дәмелі.

Аурудың жақсысы жоқ,

Дәрінің тәттісі жоқ.

Ауру жүйкені бұзады,

Жүйкені ұйқы бұзады.

Ауруды елемеген өлер,

Дауды елемеген төлер.

Мешелден жөтел кетпейді.

Іші кеткеннің арты білер.

Күнің тұман болсын,

Ауруын тұмау болсын.

Тісі ауырғанның көңілін сұрамайды.

Ауру шықпаған жаннан дәмелі,

Жалқау бітпеген малдан дәмелі.

Батпандап кірген ауру мысқалдап шығады.

Қисық көз қыли,

Дәл ортасын көре алмайды.