Жетісайда білім бөлімінің бұрынғы және қазіргі басшылары қамауға алынды

Oinet.kz 24-06-2024 444

2022_05_05_photo_2020-07-03_22-46-41-1.jpg 

Прокуратура Жетісай ауданы білім бөлімі қызметкерлеріне қатысты мемлекеттік қаражатты аса ірі мөлшерде жымқыру фактісі бойынша сотқа дейінгі тергеп-тексеруді жалғастыруда. Бұл туралы Түркістан облыстық прокуратурасы хабарлады.

Тергеу барысында аудандық білім бөлімінің басшылығы мен есепшілері  өздерінің, сондай-ақ туыстары мен таныстарының есеп шоттарына белгіленген жалақыдан жоғары ақша аудару арқылы бюджет қаражатын жымқырудың қылмыстық схемасын жасағаны анықталды. 2021-2023 жылдар аралығында мемлекетке 4 млрд теңгеден астам залал келтірілген.

Облыс прокуратурасының арнайы прокурорлары 41 қызметкерді, оның ішінде 2 білім бөлімінің басшысын, 1 бас есепші, 2 орынбасарын және 36 есепшіні күдікті ретінде таныды. 

Ауданның бұрынғы және қазіргі білім бөлімінің басшылары ұстау изоляторына жабылып, соттың санкциясымен қамауға алынды.

Қазіргі уақытта қылмыстық жолмен алынған ақшаны және өзге де мүлікті заңдастырудың барлық мән-жайлары мен фактісін анықтауға бағытталған тергеу әрекеттері жүргізілуде.

 


Дендросаябақ директорының ісі сотқа түсті
Түркістан облысында 65 отбасы әулетімен полицей болып істейді
Сәйкес тақырыптар
Көтерілу