Шымкент мұнай өңдеу зауыты бір айға тоқтайды

Oinet.kz 03-03-2023 419

Шымкент мұнай өңдеу зауыты бір айға жуық жоспарлы жөндеуден өтеді, деп хабарлайды ҚазАқпарат тілшісі Энергетика министрлігінің баспасөз қызметіне сілтеме жасап.

Screenshot_1.jpg

Министрліктің ақпараты бойынша, Қазақстан Республикасының «Азаматтық қорғау туралы» Заңына сәйкес өнеркәсіптік қауіпсіздікті қамтамасыз ету және технологиялық жабдықтар мен құбырларды, энергетикалық жабдықтарды, технологиялық процестерді басқарудың автоматтандырылған жүйесін және бақылау-өлшеу құралдарын куәландыру үшін мұнай өңдеу зауыттарына жоспарлы түрде алдын ала жөндеу жүргізу талап етіледі.

«2022 жылғы желтоқсанда бекітілген кестеге сәйкес, Шымкент мұнай өңдеу зауытына биыл 15 наурыз бен 9 сәуір аралығында жөндеу жүргізіледі. Жөндеу жұмыстары жабдықтың жұмыс қабілеттілігі мен оның жекелеген бөліктерін ауыстыруды, қалпына келтіру және оларды реттей отырып, қамтамасыз етуді көздейді», - деп мәлім етті министрліктің баспасөз қызметінен.

Дәурен Абаев су жаңа қызметке тағайындалды
Тұңғыш президент кеңсесіне бөлінген қаржы қысқартылды
Сәйкес тақырыптар
Көтерілу