Шығыс Қазақстан облысының әкімі Даниал Ахметов қанша жалақы алатынын айтты.

"Әкімдер жалақы жүйесі туралы айтып берейін. Біріншіден, әкімдердің базалық айлығы бірдей. Базалық сан бар, жалақы әкімнің өтілімен байланысты. Қазір әлеуметтік желіде мені қайтадан сынай бастайсыздар. Менің жұмыс өтілім - 48 жыл. Бұл кез келгеніңізден көп. Мемлекеттік қызметтегі өтілім - 33 жыл. Барлық өмірбаянымды айтып отырмаймын. Бірақ көптеген әріптесіммен салыстырғанда бұл салаға өндірістік базаммен келдім. Бұл трендті сақтап қалу керек шығар, бірақ ол маған қойылатын сұрақ емес (...) Менің жалақым екі миллионнан көп", - деді Ахметов ОКҚ брифингінде.