Аустралияның Мельбурн қаласында тұратын әйел түс көріп, байлыққа кенелді, деп хабарлайды Oinet.kz тілшісі Daily Mail басылымына сілтеме жасап.

Әйел лотереядан бір миллион аустралиялық долларын жеңіп алған. Сөзінше, комбинациядағы сандарды түсінде көріпті. 

"Мен үнемі ойында тек осы сандарды қолданамын. Бұл сандарды бірде түсімде көргенмін. Есімде сақтап, лотерея билетінде қолдандым", – дейді ол.

Жақында онлайн-аккаунтын тексерген әйел түсінде көрген сандардың арқасында миллионер атанғанын білген. 

Жеңімпаз атанған ол таңданысын жасырмады. Әзірге ақшаны қайда жұмсайтынын шешпеген. Бірақ ұтыс өмірін әлдеқайда жеңілдететініне сенімді.