«Ұйықтататын дротикпен атқан»: Атырау облысының әкімі Пшөн атты итті атып кетуге қатысты пікір білді

Oinet.kz 03-12-2024 189

Атырау облысының әкімі Серік Шәпкенов орталық коммуникациялар қызметі алаңында өткен брифинг барысында су тасқыны кезінде желіде танылған Пшөнді атып кеткендерге қатысты пікір білдірді, деп хабарлайды Oinet.kz тілшісі Stan.kz ақпарат агенттігіне сілтеме жасап. 

Screenshot_6.jpg

Серік Шәпкеновтің сөзінше, бұралқы иттердің көбеюіне қатысты жергілікті тұрғыннан шағым түскен. Кейін Жайық өзенінің жағасынан Пшөннің де өлексесі табылған екен. 

“Бұл жаңалықты бүгін БАҚ-тан көріп, анықтап көрдім. Оқиға Махамбет ауданында болған. Пшөн деген итіміздің видеолары әлеуметтік желіде тараған еді. Бұл жағдай 28 қарашада болған. Ауыл тұрғыны шағым түсіріп, бұралқы иттер жүрген соң үйіне кіре алмай жатқанын айтқан. Нәтижесінде мамандар келіп, иттерді уақытша ұйықтататын дротикпен атқан. Кейін Жайықтың жағасынан Пшөннің өлексесі табылды. Қазір бұл дерек бойынша арнайы қызметтік тексеріс жүргізіліп жатыр", – деді ол. 

Серік Шәпкеновтің айтуынша, аймақта бұралқы иттерді аулау кезінде заңға сәйкес ұйықтататын дәрілер қолданылады. 

"Егер ит агрессивті болса, жойылады. Ал негізі стерилдеуден өткен соң бұралқы иттер қайта бостандыққа жіберіледі", – деп қосты облыс әкімі. 

Үй жануарының иесі Зәмзәгүл итінің өткен бейсенбі, 28 қарашада атылғанын айтты. Пшөн туғаннан Атырау облысы Сарытоғай ауылында Зәмзәгүл апайдың отбасында өскен.

Қазақ қызы өзбек қарсыласын жеңіп, Азия чемпионатының жартылай финалына шықты
Мектепте жаңа жылда ақша жинауға бола ма: Оқу-ағарту министрі жауап берді
Сәйкес тақырыптар
Көтерілу