Шетелдегі қазақстандықтар Мәжіліс депутаттарының сайлауында дауыс беруі үшін 53 мемлекетте 66 сайлау учаскесі ашылады, - деп хабарлайды Oinet.kz тілшісі Сыртқы істер министрлігінің баспасөз қызметіне сілтеме жасап.

- Қазақстан Республикасындағы сайлау туралы" Конституциялық Заңы 24-бабы 8-тармағына сәйкес, Қазақстанның шет мемлекеттердегі өкілдіктері жанындағы сайлау учаскелері бойынша сайлаушылар тізімі дауыс беру күніне дейін өзектендіріледі. Сонымен бірге, шетелдегі сайлау процесін уақтылы және толықтай дайындау мақсатында Қазақстан Республикасының азаматтарынан жақын маңдағы сайлау учаскесіне алдын ала хабарласып, сайлаушылар тізіміне енгізу үшін мәлімет беруін сұраймыз, - делінген хабарламада.