Бүгін Елбасы Назарбаев Елордада Nur Otan партиясы саяси кеңесі бюросының отырысын өткізеді, деп хабарлайды KAZ.NUR.KZ порталына сілтеме берген Oinet.kz. 

Бұл туралы Елбасының баспасөз хатшысы Айдос Үкібай мәлімдеді. Жиналыс бүгін, 5 наурызда, Нұр-Сұлтанда өтеді. Жиналыста қандай мәселе көтерілетінін Айдос Үкібай нақтыламады.

Іс-шара жабық есік түрінде өтпек. 

Еске сала кетсек, Қазақстанның Тұңғыш президенті Нұрсұлтан Назарбаев Алматы қаласының әкімі Бақытжан Сағынтаевты қабылдап, оңтүстік астанадағы бірқатар мәселелерді атап көрсеткен болатын.

- "Өткен жыл жақсы көрсеткіштермен аяқталды. Алматы – Қазақстандағы ең үлкен мегаполис. Қалада көптеген проблема бар екенін білемін. Ол – экология, көлік, шағын және орта бизнестің дамуы, көші-қон мәселесі мен халықты жұмыспен қамту. Бұл мәселелер бізге бұрыннан белгілі. Оларды жүйелі түрде шешу маңызды", - деді Нұрсұлтан Назарбаев.

Сондай-ақ, Қазақстанның Тұңғыш президенті өсіп келе жатқан қала халқын әлеуметтік нысандармен – емханалар, мектептер және балабақшалармен қамтамасыз ету қажеттігіне назар аударды.