Мемлекет басшысы Қасым-Жомарт Тоқаев 2022 жылды «Ба­лалар жылы» деп жариялаған болатын. Осыған орай Мәдениет және спорт министрлігінің былтырғы бастамасы – «Балалар әдебиеті жылы» биыл да жал­ғасын тауып отыр. 

Қазығұрт аудандық балалар кітапханасының оқу залында 2022 жыл Балалар жылына орай «Кітап патшалығына саяхат» атты тақырыпта саяхат сағаты өтті.  Саяхатқа Т.Рысқұлов атындағы мектеп-лицейінің 1 «д» сынып оқушылары мен мұғалімі М.Дарақова қатысты. Мақсаты: Балаларды кітапханамен таныстыру. Білімнің кітап арқылы берілетіндігін ұғындыру. Балаларға кітапқа деген қызығушылықтарын ояту, кітапты  күтіп ұстауға, қадірлеуге үйрету. Кітапханашылар балаларға сахналық қойылым қойып, кітап әлемімен таныстырды. Балалар «Ертегілер әлемі» атты тақырыптағы кітап көрмемен, балаларға арналған журналдармен танысып, танымдық ойын ойнап, жұмбақтар шешіп, кітап жайлы тақпақтар айтты. Кітапханашы Ж.Байтұрсынова кітапханадағы кітап көрмелерге шолу жасап, кітапхана әдіскері Д.Сағынтаева жас оқырмандарға кітапхананың ережелерімен таныстырып, кітаппен дос болуға шақырды.  

"Адам баласының ең жа­қыны да, ең жақсы көретіні де – бала. Тіпті өмірдің сәні мен мәні де осы балада. Қазақта «Балалы үй – базар, баласыз үй – қу мазар», «Бала – адам­ның бауыр еті» дегендей мақал-мәтелдер өте көп. Адам болып дүниеге келген соң, мейлі еркек, мейлі әйел болсын, меніңше бір ғана мұратпен өмір сүретін шы­ғар, ол – өмірге ұрпақ әкелу, артыңа ұрпақ қалдыру. Жалпы, Прези­дентіміздің осы жылды «Балалар жылы» деп атауы тегіннен-тегін емес. Хал­қымыз «Ел болам десең, бе­сігіңді түзе» дейді. Бесік деген – мем­лекет. Соның саясаты. Соның идеоло­гиясы. Сондықтан балаға бір жылды ғана арнап, шаруа­ны бітіріп тастадық деп шіренуге болмас. Бұл тақырып – Президенттің де, Парламенттің де, әрбір ата-ананың да күн тәр­тібінде мәңгілік тұруы шарт"деген АБК меңгерушісі А.Тасполтаева іс –шараны қорытындылап, балаларды кітапқа деген қызығушылығын арттырып, кітап оқуға кеңес берді. Кітапханаға алғаш келген оқырмандарға естелікке сый-сияпат жасалынды.

Айта кетерлігі, кітапхана ұжы­мы ұйым­дастыратын ша­ралардың көбі жастарды кітап оқуға тарту мақсатында атқа­рылады. Нәтиже жоқ емес. Күн сайын оқырмандар са­ны­ның артып келе жатқаны қуантады.