Шымкент қаласының орталықтандырылған балалар кітапханалар жүйесінің ұйымдастырумын №8 отбасылық  кітапханада «Жетістікке жеткізетін кітаптар» апталығының ашылуы өтті. Жиынға балалар жазушысы Қожагелді Исаев пен фантаст-жазушы Сарманбай Исақов қатысты.

—Баланы кітап оқуға қызықтыру – үлкен шаруа. Себебі барлық бала бірдей кітаппен дос емес. Ғылым мен техниканың қарыштап дамыған заманында балалардың әдебиетке деген қызығушылығын арттыру біршама қиындап кетті. Десек те, балалардың дүниетанымын арттырып, отансүйгіштікке тәрбиелеп, білім мен ғылымға жетелеуде кітаптың, оның ішінде балалар әдебиетінің орны ерек. Бүгінгі таңда барлық адамзат алдында тұрған басты мақсат – білімді ұрпақ тәрбиелеу. Ата – бабамыз кітапты ерекше ақылшы ұстаз санаған. «Кітап – білім бұлағы, білім - өмір шырағы» деген қанатты сөз қалдырған. Кітап адам баласына бала кезінен бастап, өмірінің соңына дейін сырлас досы болады. Ендеше, құрметті балалар кітаппен дос болайық , - деп атап өтті С.Исақов. 

Салтанатты шарада Шымкент қалалық ардагерлер кеңесінің «Асыл әжелер» ансамблі әннен шашу шашты. Жазушылардың тұщымды әңгімесінен соң, «Кітап әлемінде» танымдық сұрақ-жауап сайысы өтті.  Сонымен қатар, ұйымдастырушылар №13 жалпы орта мектептің оқушылары заманауи жаңартудан өткен кітапхана ғимаратын аралап,  ондағы жаңа кітаптармен танысты.  

Айта кетейік, апталық 12-19 қазан аралығында өтеді.