Созақтықтар дәрігерлерге алғысын жаудырды

Oinet.kz 04-08-2020

image.png

Дәрігерлерге мың алғыс. Осындай атаумен басталған республикалық акциясы әлі де жалғасуда. Игі іске мұрындық болып, ат салысқан аудан халқы дәрігерлерге құрмет көрсетіп, ілтипат білдіруде.

Созақ ауданы әкімінің орынбасары Бағдат Айдарбеков бастаған топ аудандық аурухананың провизорлық бөлімшесінде өз отбасынан, балаларынан алыстап, коронавируспен күрестің алдыңғы шебінде жүрген дәрігерлер мен кіші медициналық қызметкерлерге алғыс білдірді. Құрбан айт мерекесімен құттықтап, мерекелік сый-сияпаттарын тарту етті.

Аудан әкімінің орынбасары Б.Айдарбеков «Құрметті медицина қызметкерлері! Сіздер елімізге пандемия басталғалы бері күн-түн демей арпалысып, отбасыларыңыздан жырақта білімдеріңіз бен күштеріңізді жұмсап, бастарыңызды қауіп-қатерге тігіп аянбай еңбек етіп жатырсыздар. Сіздерге осынау еңбектеріңіз үшін алғысымыз шексіз. Сіздерге мықты денсаулық, кәсіби өрлеу, отбасыларыңызға бақ-береке тілейміз» деп ақжарма тілегін жеткізді. Созақ аудандық Орталық ауруханасының Бас дәрігері Талғат Әлішерұлы Қалдыбеков пен Таукен ткенті емханасының меңгерушісі Алма Мейрамбекқызы Құрманбекованың өңірлеріне Қазақстан Халқы Ассамблеясының «Мейірім» медалін тақты.

Акцияға Созақ ауданы әкімдігі мен Жастар Ресурстық Орталығы қызметкерлері, JasOtan жастар қанатының мүшелері, Value волонтерлар ұйымы белсене атсалысты.

Шардара: Қос тұрғын үй кешені құрылысы аяқталуға жақын
Бәйдібек: Еріктілер ауруханаға 13 оттегі концентраторын тарту етті
Сәйкес тақырыптар
Көтерілу
×