«Махаббатқа сенуге болады ма өзі» - әнші Мәдина Сәдуақасова
Бүгінде отандық танымал әнші Мадина Сәдуақасованың жеке өмірі тыңдармандары арасында қызу талқыға түсуде. Олар әншіні жолдасымен ажырасып кетті деп болжап отыр. Көпшіліктің мұндай пікір білдіруіне әншінің мұңға толы жазбалары себеп болуда, деп хабарлайды Oinet.kz Мәдина Сәдуақасованың Instagram парақшасына сілтеме жасап.
Соңғы кезде әнші Instagram парақшасында махаббат туралы көптеп жазып, мұңайып отырған суреттерін жиі жариялай бастады.
- Мен сені сүйем дегенді қашан соңғы рет айтты сізге? Махаббатқа сенуге болады ма өзі мына заманда? Әлде ол тек кітап пен кинода ғана ма.? Әлде бейнебаянда ғана бар ма? , - деп жазды Сәдуақасова.
Желі қолданушылары сүйікті әртісінің кезекті жазбасынан кейін ол үшін қайта уайымға салынған. Олар өнер иесінің көңіл-күйі болмай жүргенін байқап, оны мықты болуға шақырды.
- Көңіл-күйіңіз болмай жүрген секілді. Жазбалардың барлығында мұң бар" , "Мадина неге махаббат жоқ дейсің .Шын сүйіп қосылғандар өмір бойы махаббат пен өмір сүреді. Сендердің жастарыңда махаббаттың жалындап тұрған шағы емес пе? Махаббаттан көңілің қалды ма?" , "Сізге бір нәрсе болып жүр. Өміріңізде бәлкім өзгеріс те орын алған шығар. Бірақ, не болса да , мықты болыңыз. Сіз еңсере алмайтындай проблема жоқ шығар бұл өмірде, - деп жазуда олар.
Сәйкес тақырыптар
