Қазақстандық белгілі әнші Бауыржан Ретбаев алғаш рет әке атанды. Өнер иесінің жары оған қыз бала сыйлаған. Ерлі-зайыптылардың жақындары мен достары желіде оларды жарыса құттықтауда, деп хабарлайды Oinet.kz. Жағымды жаңалықты әншінің өзі Instagram парақшасында бөлісті. 

Желі қолданушылары жас әкеге деген тілектерін жаудырып жатыр. 

- Кішкентайдың бауы берік болсын" , "Дені сау, ақылы көркіне сай ару болып өссін" , "Қызығына тоймай жүре беріңіз" , "Бақытты болсын балапан" , "Артынан іні-сіңлілері ере берсін" , "Әке атануыңызбен, бұл деген нағыз керемет сезім" , "Бауы берік болсын ағасы, жеңгеміз жарады" , "Бақыттарыңыз баянды болсын. Сәбилеріңіз көп болсын , - деп жазуда олар. 

Айта кетейік, Бауыржан Ретбаев пен оның сүйіктісі өткен жылы шаңырақ көтерген. Жеке өмірін жасырын ұстайтын әншінің үйлену тойы да көпшілік үшін күтпеген тосын сый болған.