Египет астанасы Каирде Мәдениет министрлігінің бастамасымен жылжымалы театрлар ашылды. Енді театрдағы спектакльді үйдің балконында тұрып көругеде болады, деп хабарлайды Oinet.kz тілшісі.

Олар бұл идеяны елдің кедей аудандарындағы халықтың көңілін көтеріп, ой өрісін кеңейту мақсатында қолға алған. Қойылымға қажетті сахна мен құрал-жабдықтар жүк көліктерімен тасымалданады. Қалада алғашқы театр қаңтардың соңында ашылған. Енді қойылымдарды елдің басқа қалаларындада ұйымдастыру көзделіп отыр. 

- Тамаша бастама. Мәдени шараға алғаш қатысып тұрсам да маған қатты ұнады. Себебі, бұл адамдардың мінез-құлқын түсініп, бір-бірін жақсы тануға көмектеседі, деп өз ойын білдірді Каирлық артист Осама Рамадан.