Ордабасы өлкесінің өзінен майданға төрт мыңнан астам сарбаз аттанса, елге тек соның екі мыңдайы ғана оралғаны белгілі. Отан үшін от кешіп, жанын құрбан еткен отандастарымыз майдан даласында опат болып, бауырластар зираттарында жерленді. Көңілімізге медет ұялататыны  - еліміздің бүгінгі жетістігі, өсіп-өркендеуі, халқымыздың мызғымас ынтымағы. 

Ұлы Отан соғысындағы Жеңістің 75 жылдығына орай елдік пен ерліктің мерекесі 9-мамырда Ұлы Жеңіс мерекесі мен Отан қорғаушылар күніне байланысты орталық саябақтан Ордабасы ауданы ардагерлеріне арналған аллеяны ашу көзделуде және сол зұлмат жылдары «Жаным арымның садағасы» деген ардақтыларымыз, Кеңес Одағының Батырлары: 4 мыңға жуық жерлестеріміздің аты-жөнін мемориалды тақтайшаға өрнектеп жазу жұмыстары жүргізілуде.

Сонымен қатар, Ұлы Отан соғысындағы Жеңістің 75 жылдығына және Отан қорғаушылар күні қарсаңында Ордабасы ауданы, Темірлан ауылындағы орталық саябақты пайдалануға беру жоспарланып отыр.