Науқастарға алғашқы медициналық көмекті көрсететін жедел-жәрдем қызметінің символы қызылтүсті «+» белгісі екені белгілі. Алайда барлық елде олай емес. 

Медицинасы дамыған он елдің қатарына кіретін Израиль елінде жедел-жәрдем қызметін «Маген Давид Адом» деп атайды. Оның басты айшығы ел ішінде «Дәуіттің жұлдызы» атанып кеткен алты бұрышты жұлдыз. Ежелгі Израиль хандығының екінші патшасы Дәуіттің құрметіне қойылған. Бәрінен де қызығы мұнда медицина қызметкерлері ақхалатпен қоса иықтарына шен тағып жүреді екен. Әскери қызметтің адамдары секілді олардың да шендеріне қарап мәртебесі мен мамандықтарын айқындауға болады.