Жұмекен Нәжімеденов: Ей, күншуақ, құйыла бер жерге осы

Oinet.kz 24-08-2020 1037

5b6a4c56a27e94f39f0ffad2c15a33b8.jpg

Ей, күншуақ, құйыла бер жерге осы,

Ей, күншуақ – дүниенің зердесі.

Шуақ болып жарқырашы, алғы күн,

Не берсең де – көлеңкелеп бермеші.

Ей, күншуақ! Бердік саған Ана атын,

Болашаққа күнмен бірге баратын.

Самғай берші, тарылмашы ақ шуақ,

Батыс, шығыс – сенің екі қанатың.

Сараңдықты алады екен кім қалап!

Аспан жомарт, туады күн іңгәлап.

Ей, адамдар, тозбасыншы өмірің,

Көкжиекті тоздырғанша күн қажап!...

Абыл Тілеуұлы. Өмірмен қоштасар сәтте айтқаны
Абыл Тілеуұлы. Басында миуа ағаштың сайрар бұлбұл
Сәйкес тақырыптар
Көтерілу