Түркістанда шенеуніктер көшет егуге бөлінген қаражатты талан-таражға салған

Oinet.kz 12-07-2024 485

89a91464200d78365f0e029494383082_original.197152.jpg 

Түркстан облысында қаржылардың заңсыз жұмсалуына байланысты қылмыстық іс қозғалды. Бұл туралы Түркістан облыстық прокуратурасы хабарлады.

  Түркістан облысы әкімдігінің қаулысымен «Жасыл аймақ» коммуналдық мемлекеттік мекемесіне жасыл белдеу аймағын құру үшін орман қоры жерінен 103 га жер учаскесі тұрақты жер пайдалану құқығымен берілген.

Мамандандырылған табиғат қорғау прокуратурасы бюджет қаржысын тиімді пайдалану заңдылығына тексеру жүргізу барысында мекеме басшылары тарапынан табиғи түрде жабайы жүзген, жыңғыл ағаштары өсіп тұрған жер учаскесіне қандай да бір жұмыстар жүргізілмегеніне қарамастан, 3 мыңға жуық сексеуіл ағаштары отырғызылғанын, жерсінуі 56 % құрағанын және бюджеттен 24 млн астам теңге жұмсалғанын растайтын құжаттарға қол қойылғанын анықтады. 

Бұдан бөлек, егуге жарамсыз және тиімсіз жер учаскелеріне орман екпелерін отырғызу, суару, трансформатор орнату, тыңайтқыштарды шашу жұмыстарын жүргізу арқылы 1 млрд аса қаржыны тиімсіз  жаратқан.

Аталған фактілер бойынша прокуратура Қылмыстық кодекстің 189-бабымен  2 қылмыстық іс тіркеп,тергеп-тексеру үшін  сыбайлас жемқорлыққа қарсы іс –қимыл агенттігінің Түркістан облысы бойынша департаментіне жолдады.

 


Дархан Сатыбалды: Жұмысын жандыра алмаған басшыларға шара көріледі
Шымкентте абаттандыру жұмыстарынан шикілік шықты
Сәйкес тақырыптар
Көтерілу