Ресей президенті Владимир Путин Қырғызстан президенті Садыр Жапаровпен және Тәжікстан президенті Эмомали Рахмонмен телефон арқылы сөйлесті. Олар қырғыз-тәжік шекарасындағы жағдайды талқылады, деп хабарлайды Кремль сайты.

Путин «тараптарды одан әрі шиеленісуге жол бермеуге және жағдайды тек бейбіт, саяси және дипломатиялық жолдармен тез арада реттеу шараларын қабылдауға шақырды».

19 қыркүйекте Қырғызстанда қырғыз-тәжік шекарасында 16-17 қыркүйекте болған қақтығыста қаза тапқандар үшін ұлттық аза тұту жарияланды. Қаза тапқандар саны 36-ға жетті, оның ішінде 15 жастағы мектеп оқушысы бар. 134 адам жарақат алған.