Ақмола облысында қайғылы жағдай орын алды. Ақмолалық ерлі-зайыптылар ыстан уланып, көз жұмды, деп хабарлайды Kazinform.kz порталына сілтеме берген Oinet.kz.

Ведомствоның мәліметінше, қайғылы жағдай Есіл қаласындағы жеке тұрғын үйлердің бірінде болған. Бұл туралы Есіл аудандық полиция бөліміне 60 жастағы жергілікті тұрғын хабарлаған. Әйелдің айтуынша, ол ақпанның 19-ында күні бойы Тәуелсіздік көшесінде тұратын Александр және Надежда Науменко есімді ерлі-зайыпты туыстарына хабарласа алмаған және үйдің есігін ешкім ашпаған. 

- «Үйдің есігін бұзып кірген құтқарушылар жатын бөлмедегі кереуетте ерлі-зайыптылардың мүрдесін тапты. Алдын ала деректер бойынша, екеуі де иіс тиіп көз жұмған»,- дейді ведомстводан.