Арыстағы апатты жағдайға байланысты әр мекеме көмек қолын созуда. Мәселен, Л.Гумилев атындағы ЕҰУ-ті үйлері жөнделіп жатқан бірқатар балаларды он күннен лагерьге демалдыруды ойлаған. 

– Арыстағы  жағдайға орай біздің университет басшылығы ғылыми кеңесте ақылдасып, Арыс қаласының оқушыларына арнайы жазғы демалыс лагерін ұйымдастыру туралы шешім қабылдаған еді.  Соны жүзеге асыру мақсатында Түркістан облысы білім басқармасымен бірлесіп, осы істі қолға алдық. 7-14 жас аралығындағы 1-7 сынып оқушыларын демалдыруды үш маусымға бөліп, балаларды екі лагерьге дайындадық. Алғаш келген 50 бала төртінші маусымға тураланды. Бесінші маусымда 100 бала, алтыншы маусымда 100 бала келеді. Әрине, бұл лагерьде өзге облыстың балалары да тынығуда.  

Біріншісі «Біркөлік шатқалындағы» «Робот паркі» лагері болса, екіншісі Қасқасу шатқалындағы «Көктөбе» лагері. Балалар бұл жерде тек қана демалып қоймайды, роботтехника жайлы, цифрлық технологияларды игеру, робот құрастырумен айналысады. Көктөбе лагерінде негізгі артықшылық күніне екі сағат жастарға ағылшын тілін оқытады. Төрт мезгіл тамағы бар. Ата-анасымен жиі байланысып тұрамыз,- деді ЕҰУ Әлеуметтік және  Азаматтық даму департаментінің директоры Әлібек Мәдібек.