Батыс Қазақстан облысында 5 жастағы бала суға батып көз жұмды, деп хабарлайды Oinet.kz тілшісі Azattyq Ruhy-на сілтеме жасап.

БҚО Төтенше жағдайлар департаментінің баспасөз қызметі мәлім еткендей, қайғылы оқиеға 28 шілдеде Жайық ауылындағы жағажайда болған.

«Бала үрлемелі шеңбермен жүзіп жүргенде суға батып кеткен. Сол сәтте баланың ата-анасы мен туыстары жағадан 50 метр қашықтағы жазғы дәмханада отқан. Баланың жоқ екенін байқағанда ғана оны іздей бастаған. Жағажай құтқарушылары баланың денесін іздеуге кіріскен 40 минут өткен соң тапқан», - делінген ТЖД хабарламасында.

Айта кетерлігі, оқиға суға түсуге жабдықталған орында болған.

Қазіргі кезде аталған дерек бойынша қылмыстық іс қозғалып, тергеу жұмыстары жүргізіліп жатыр.