Жамбыл облысының Рысқұлов ауданында жантүршігерлік оқиға орын алды. Тау бөктеріндегі фазендалардың бірінен басы кесілген екі әйелдің мүрдесі табылды. Полиция қатыгез кісі өліміне күдікті өзбекстандық азамат іздестіруде деп хабарлайды КТК-ға сілтеме жасаған Oinet.kz.

Облыстық полицияның хабарлауынша, әйелдерді өлтіріп, бастарын кесіп тастаған. Марқұмдардың бірі 50, екіншісі 38 жаста болған. Құқық қорғау органдары Өзбекстан азаматтығы бар 54 жастағы шопан жантүншігерлік қылмыс жасады деп күдіктеніп отыр. 

Күдікті жайлы тың ақпарат үшін сыйақы тағайындалған, бірақ полиция ер адам қауіпті болуы мүмкін екенін ескертеді. Телеарна анықтағандай, қос адам өлтірген күдікті бұл жерде бірнеше ай бұрын ғана бой көрсеткен. 

Мұнда ол қойшы болып жұмыс істеді. Көршілер соңғы рет ер адамды теміржол маңынан көрген. Ат мініп жүрген ол жануарды тастап, із-түссіз жоғалған кеткен. Өлген әйелдер туралы мәлімет аз. Олардың бірі шаруа қожалығында жұмыс істеген. 

Болжам бойынша, екі әйел сол күні кешке фазендаға қонаққа барған, кейінірек сол жерде олардың денесі табылды.