Болатхан Сағымбеков мейірбикелерге 6 млн 350 мың теңге cыйлады

Oinet.kz 08-05-2019 875

12 мамыр – Халықаралық мейірбикелер күні қарсаңында Түркістан облыстық туберкулезге қарсы диспансерінің орта буынды медицина қызметкерлері алғысқа бөленді.  Мекеменің бас дәрігері Болатхан Салыбекұлы  денсаулық сақтау саласының дамуына  өзіндік үлесін қосып, адал еңбек еткен  мейірбикелердің кеудесіне медаль тақса, бірқатарын алғыс хатпен марапаттады. 

Screenshot_5.jpg

«Бір ғасырдан астам тарихы бар аталған мереке  бүгінде елімізде  кеңінен тойлануда.  Мейірбикелердің – медицина саласында алар орны бөлек.  Қай кезде де соғыста, түрлі апаттарда, төтенше жағдайларда халыққа алғашқы медициналық көмек беріп,  өмірін аашалап қалатын осы мейіргерлер. Сіздер 70-80 пайыз уақыттарыңызды науқастарға бөліп, оларға қамқорлық пен мейірімдеріңізді аямаймыздар. Біз сіздердің адал қызметтеріңізді бағалаймыз»,- деді  мекеме басшысы. Ұжымның әлеуметтік жағдайын назардан тыс қалдырмайтын диспансер басшылығы сондай-ақ мерекеге орай 127 мейірбикеге 50 мың теңгеден  сыйақы  тағайындап, тағы алтауына табиғаты тамаша Бурабай шипажайына демалуға жолдама сыйлады. 

Screenshot_6.jpg

Мерекелік іс-шара барысында қызметкерлер өзара спорттық сайысқа түсіп, кіл мықтыны анықтады. 

Айта кетейік, бүгінгі таңда облыстық туберкулезге қарсы диспансерде 380-ге жуық орта буынды медицина қызметкері жұмыс істейді. Олардың 77,5 пайызы түрлі санаттарға ие.

Түркістан: Халықаралық білім ордасының студенттерімен ашық кездесу өтті
Назарбаев Қызыл алаңдағы әскери парадқа қатысты
Сәйкес тақырыптар
Көтерілу