Мемлекет басшысы Қасым-Жомарт Тоқаев Ұлт­­тық қоғамдық сенім кеңе­сінің IV отырысында балалар мен жасөспірімдер арасындағы кітап оқу мәсе­лесінің маңыздылығын атап өт­кен болатын. Сондай-ақ бұл мәселедегі кітап­ха­на­лардың мәртебе­сіне назар аудара отырып, "бала мектеп жасынан бастап көркем әдебиетті оқуға ұмтылуы қажет. Біз осы мақсатта жағдай жасауға міндеттіміз" дей келе  елі­міз­дің барлық тұрғын­да­ры­ның күш-жігерін оқырман ұр­пақ­ты тәр­бие­леуге шақыр­ған еді. 

Осы тұста Кентау қалалық орталықтандырылған кітапханалар жүйесінің кітапханашысы Ж.Қуандықованың ұйымдастыруымен орталық кітапханада  отбасы күніне орай "Үздік оқырман отбасы-2022" байқауы өтті. Байқаудың мақсаты оқырмандардың әдеби кітапқа құштарлығын арттыру, ата-аналар мен балалардың бос уақытын бірге өткізу, олардың ақпараттық ағартушылығын ұйымдастыру. 

"Отан отбасынан басталады" деп бекерге айтылмаған. Баланың болашақта жақсы азамат болып өсуі, жан-жақты білімді әрі тәрбиелі болуы отбасында берілетін тәрбиеге тікелей байланысты. Байқауға 3 отбасы қатысты.   Нәтижесінде  кітап оқу мәдениетін және  өнерлерін жоғары деңгейде көрсеткені үшін Омаровтар отбасы "ҮЗДІК ОҚЫРМАН ОТБАСЫ" атанды. Ал Тоқтыбаевтар отбасы "Ынтымақты отбасы" номинациясымен, Абсемет отбасы "Кітапқұмар отбасы" номинациясымен марапатталды.