Көшелерді жарықтандыру шаралары ауылдарда да қарқынды жүргізілуде. Көше жарығы ауылдың бет-бейнесін көрсететін дәрежеге жетті десек те болады. Өңірдің келбетін айшықтайтын көше шамдары жолаушыға жол көрсетіп, түнгі уақытта қауіпсіздігіне қорған болады.   Түркістан облысы Сарыағаш ауданында осы бағытта біршама оң жұмыстар жүргізілуде. Бұл туралы Сарыағаш ауданы әкімдігінің баспасөз қызметі хабарлады. 

 Аудандағы Құркелес ауылдық округінде 15 елді мекен бар.  Оның ішінде 10 елді мекенде жалпы 1325 көше жарық шамдары орнатылған. Ауылдық округке қарасты 5 елді мекенде (Жаңаарық елді мекені С.Абдуллаев көшесі, Жаңаталап елді мекені А.Оразбаева көшесі, Нұрлы жол елді мекені Қ.Айқынбеков көшесі, Ақ үй елді мекені Ү.Досболов көшесі және Береке елді мекенінен өтетін республикалық маңызы бар А-15 авто жолының бойы) көше жарық шамдарына жөндеу жұмыстары жүргізілді. 

Сонымен қатар, Береке елді мекенінен өтетін республикалық маңызы бар А-15 авто жолының бойындағы көше жарықтандыруына қойылған трансформатордың күші жетпеуіне байланысты, күрделі жөндеуден өткізілді.

Алдағы уақытта ауылдық округке қарасты басқа да елді мекендеріндегі көше жарық шамдарына кезең-кезеңімен жөндеу жұмыстары жүргізілетін болады.