Кеше "Шакенти" атымен белгілі актер Шәріп Серіктің сүйіктісі Әлия Ботееваны соққыға жыққаны туралы ақпарат тарады, деп хабарлайды Oinet.kz тілшісі.

Болған оқиға жайлы жәбірленуші Әлия Ботееваның өзі Instagram парақшасындағы жазбасында баяндады. Ол сүйген адамының өзіне қол көтергені жайлы айтып отыру — үш ұйықтаса түсіне кірмегенін айтты. Оның айтуынша, сенім мен махаббаттан басталған сезім күш көрсетуге дейін ұласып барып, аяқталды. 

Ботеева жариялаған бейнежазбада Шәріптің қызды жұлқылап, лифтіден шығарып жатқаны көрсетілген. Ал суретте Әлия соққы тиген жүзін көрсетті.

Бұл жаңалықты оқыған оқырман, Шәріп Серіктің актерлік карьерасына қатысты компаниялардан онымен байланысын доғаруды талап етті.

Нәтижесінде Salem Entertainment компаниясы Шәріп Серікті "қара тізімге" кіргізгенін, әріптестік қарым-қатынасты тоқтату туралы шешім қабылдағандарын хабарлады.

"Salem Entertainment компаниясы актер Шәріп Серікпен әріптестік қарым-қатынасын тоқтату туралы шешім қабылдады.

Соңғы оқиғаларға байланысты, Salem Entertainment ұжымы Шәріп Серікті «қара тізімге» енгізіп, онымен кез келген ынтымақтастықты толығымен тоқтатты.

Бұған дейін жарияланған «Шакал» сериалы мен «Qагда» сериалының үшінші маусымы ресми түрде жабылды. Сонымен қатар, актер «Meow» сериалының екінші маусымында басты рөлдердің бірін сомдауы тиіс болған, алайда ол жобадан толықтай алынып тасталды.

Сондай-ақ «Патруль: последний приказ» фильмінің шығармашылық ұжымы Шәріп Серіктің қатысуымен түсірілген көріністерді кинонұсқадан алып тастау жұмыстарын белсенді жүргізуде.

Актермен барлық келісім-шарттар тоқтатылды", - деп жазды Salem Entertainment instagram парақшасында.

Тақырыпқа байланысты тағы да оқыңыз: 

Тарихтың қайталанатыны өкінішті: Say Mo экс-күйеуінің озбырлығына таңғалмайтынын айтты