Қайрат Әділгерей мен Жахан Отарғалиев белгілі әзілкеш әрі продюсер Нұрлан Қоянбаевтың "Бизнес по-казахски в Турции" фильміндегі рөл үшін таласып жүр. Нұрлан Қоянбаев жаңа киносына екі актердің тек біреуі ғана түсетінін хабарлап, желі қолданушыларына таңдау жасауға көмек сұраған болатын. Алғашқыда ағалы-бауыр болып сыйласатындарын айтқан өнер иелері бәсекелестік жолында бір-біріне қарсы шыға бастады, деп хабарлайды Oinet.kz. Бұл туралы Нұрлан Қоянбаев Instagram парақшасында бөлісті. 

­

Отарғалиев пен Әділгерей бірге тікелей эфир жасап, оның барысында өзара жанжалдасып қалған. Қос актер жанкүйерлерінің көзінше айқайласып, бір-бірі туралы не ойлайтынын жайып салған. Рөл үшін таласып, әлеуметтік желіде қырылып қалған өнер иелерінің видеосымен Нұрлан Қоянбаев Instagram парақшасында бөліскен. Белгілі кинопродюсер алдағы уақытта Түркияда "Бизнес по-казахски" фильмінің жалғасын түсірмек ниетте. Сол себепті, ол қос актердің біреусін таңдай алмай қиналып, таңдауды желі оқырманарына сеніп тапсырған.

­

Қоянбаев арнайы сауалнама жүргізіп, халықтың пікірін білгісі келді. Алайда, КВН жұлдызы бұл бәсекелестік осынлай ушығып кететінін күтпесе керек.

­

Желідегілердің бір бөлігі Жахан Отарғалиев үшін дауыс берсе, қалғаны Қайрат Әділгерей рөлге лайықтырақ деп есептейді. Бұл бәсекелестіктің соңы немен аяқталатыны әзірге белгісіз.