Қазақстандық актриса Айжан Байзақова жаңа Mercedes-Benz S 63 AMG автокөлігімен мақтанды.

Өткен жылдың соңында Айжан Байзақова жаңа жылжымайтын мүлік сатып алғанын мәлімдеген болатын. Қыздың айтуынша, ол қаланың элиталық ауданынан 80 млн теңгеге тұрғын үй сатып алған.

Ал жақында Байзақова Mercedes-Benz S 63 AMG маркалы сәнді автокөлігін иемденді. Instagram-дағы өз парақшасында ол "666 BAY" нөмірі бар жаңа көлігімен суретін жариялады.

Мұндай жарияланым қыздың жазылушылары арасында қызу резонанс тудырды.

Қазақстандағы Mercedes-Benz ресми сайтындағы мәліметтерге сәйкес, мұндай көліктің бағасы шамамен 100 млн. теңгені құрайды (260 мың доллардан астам).