Расымен де адамның мүмкіндігінде шек жоқ. Ғалымдар басқа-басқаны қойып енді ми өсіруге көшіпті. Огайо штаты университетінің мамандары жоғарыда айтылған сөзімізді дәлелдеп, қолдан ми өсіріп шығарды. Жоба жетекшісі Рене Анандтың айтуынша, олар өсірген ми 5 апталық эмбрионның миына ұқсайды. Бірақ, онда қан айналым жүйесі жоқ.  

Ананд жобасы туралы ашылып айтқан жоқ. Барлық ақпаратты жұмысын патенттегеннен кейін жариялайтынын хабарлады. Оның айтуынша, ол өсірген ми кәдімгі мидың әлемдегі ең дәл көшірмесі екен. Ол 12 аптада өсіп шыққан.  Ғалымның айтуынша, жобаны ми ауруларының неден пайда болатынын зерттеу үшін қолдануға болады.