«Тазалық – денсаулықтың кепілі» деп жатамыз. Жеке бастың гигиенасын сақтау, айналаны таза ұстау ауру-сырқаудан сақтайды. Дегенмен, тым тазалықшыл болу түрлі дерттерге жол ашады екен. 

Статистикалық мәліметтер бойынша соңғы жылдары балалар арасында қант диабетінің І типімен ауыратындар көбейген. Ғалымдар бұл жағдайды зерттеп, балалардың сырқаттануына ата-аналардың тазалықты қатты ұстанғандығынан деген тоқтамға келіпті. Мамандар қоршаған ортада  бактерия мен вирустардың болғаны жақсы дейді. Яғни, баланың ағзасында сол бактерияларға қарсы иммунитет пайда болады. Әлгі бактерияларды жойған жағдайда (қол-аяқты жиі жуу, балалар тұтынатын заттарды көп тазалау) бала ағзасы қорғансыз болып қалады да, салдарынан қант диабетіне шалдығу қаупі  жоғары болады.