Дүрманова Ләззат

Қызылорда қаласы, Ы.Алтынсарин  атындағы №10 мектеп-лицейдің бастауыш сынып мұғалімі

 Мақсаты: Балалардың шығармашылық қабілетін арттыру, сөз қорларын көбейту, біріншіге бару үлкен мереке екенін балаларға жеткізе білу, сезіну,білімге деген құштарлығын арттыру, еліміздің білімді, тәрбиелі азамат етіп, елжандылыққа тәрбиелеу.

Көрнекілігі: Суреттер, шарлар,көбелектер, қанатты сөздер, әндер, тілектер

Сәлемдесу:

Қуан шаттан алақай

Қуанатын күн бүгін

Бұл қуаныш себебін

Бізге қарап ұғарсың

Ер жетті деп бөбегім

Ата анамыз қуансын

Құрметті Ұстаздар! Ата - аналар! Қонақтар! Бүгінгі күн бәрімізге ерекше күн!

Бір жыл бойы мектепалды даярлық тобында тәрбиеленіп, білім нәрімен сусындап, оң- солын танып, білім жолына қадам басқалы отырған бүлдіршіндеріміздің даярлық топпен қоштасу ертеңгілігііне қош келдіңіздер! 

Тәрбиеші:

Өтті қызық көп күндер
Жеті жасқа жеттіңдер.
Барасыңдармектепке
Бірбелестенөттіңдер!

Айналайын балалар

Алда мектеп- ана бар

Өздеріңнен өседі

Өнерпаздар даналар

Бізге сыйлап сыңғырлаған күлкіңді

Сәбилерім жүздеріңде нұр тұнды

Бізден ұшып қанат қағып есейдіңдер

Өздеріңмен қоштасатын күн туды.

Ән: «Әрқашан күн сөнбесін»

Рамазан:

Құтты болсын қадамдарың қонақтар

Біздің тойдың көрермені болыңдар

Тамашалап балалардың өнерін

Марқайып, алақанды соғыңдар

Жанерке:

Уа, жараңдар, жараңдар

Маған бәрің қараңдар

Армысыз халайық

Бармысыз халайық

Даярлықпен қоштасып

Біріншіге барайық

Шамиль:

Құрметті қонақтар армысыздар

Бәріңізде есен-сау бармысыздар

Таусылмастай ағытып ой арманның

Ал  достарым қысылмастан сөйлегін

Аяулым:

Өтті ау қызық сан сабақ

Бүгін үлкен салтанат

Оқулықпен достасып

Даярлықпен қоштасып

Оқу білім үйреніп

Біріншіне барамыз

Ән:  «Бала тілегі»

Тәрбиеші:

• Балалар мен сендермен «иә», «жоқ» ойынын ойнағым келіп тұр. Сендерге сұрақ қоямын, ал сендер жауап бересіңдер.

• Сабаққа келесіңдер ме?

• Үлкендерді сыйлайсыңдар ма?

• Кішіге жәбір көрсетесіңдер ме?

• Айтқан тілді аласыңдар ма?

• Оқулықтарды түгел әкелесіңдер ме?

• Сабаққа бармаймын деп жылайсыңдар ма?

• Жарайсыңдар.

Нұрдана:

Біз бақытты баламыз

Жетіліп ой санамыз

Тобымызбен қоштасып

Мектепке кетіп барамыз

Бал күндерді қиялдап

Сағынамыз әл ақ біз

Мадияр:

Қуанамыз сылаймыз

Қуаныштың мың гүлін

Алғашқы күнді қимай біз

Қоштасатын күн бүгін

Нарқыз:

Енді мен үлкен боламын

Анамның тілін аламын

Ұстаздың барлық айтқанын

Миыма құйып аламын.

Дінмұхаммед:

Мектеп біздің панамыз

Мектеп біздің анамыз

Ұлағатты ұстаздан

Оқып білім алармыз

Ақмарал:

Біз балауса баламыз

Жетіліп ой санамыз

Даярлықпен қоштасып

Біріншіге барамыз

Ән: «Анашым»

Тәрбиеші:Балалар, мен сендердің білімдеріңді тексеріп көргім келіп тұр.

• Біз қандай мемлекетте тұрамыз?

• Қ.Р. астанасы?

• Президенті кім?

• Мемлекетіміздің рәміздерін атаңдар?

• 1 жылда неше ай бар?

• Жыл мезгілдерін атаңдар?

• Апта күндері?

• Қазақ алфавитінде неше әріп бар?

• Неше дауысты дыбыс?

• Неше дауыссыз дыбыс?

• 1- 20-ға дейін тура санаңдар?

• 1- 20-ға дейін кері санаңдар?

• Жарайсыңдар.

Мұхаммед:

Қуанамыз сыйлаймыз

Қуаныштың мың гүлін

Даярлықты қимай біз

Қоштасатын күн бүгін

Досмұхаммед:

Ана тілін ардақтап

Ата салтын біз көрдік

Сурет салып ән жазып

Оқып жазып үйрендік

Айзере:

Суйген өз қыз, өз ұлын

Бөбегім деп аянбай

Даярлығым өз үйім

Апай болды анамдай

Камшат:

Үлкендердей тап таза

Жазамыз бормен тақтаға

Үлгілі бала боламыз

Жүретіндей мақтана

Тәрбиеші:

Ал, балалар ойнайық

Ойнайық та, ойлайық

Жұмбақтардың шешуін

Жылдам тауып алайық.

(Жұмбақтар шешу)

Би: Қазақ биі

Хор:

Даярлыққа келгенде

Ақ пейілмен қарсы алған

Өлең айтып үйреткен

Би билеткен, ән салған

Риза апам, әкем де

Риза атам, әжем де

Рахмет деп біз айтамыз

Тәрбиеші апайға

Тәрбиеші:

Айналайын гүлдерім

Айым менен күндерім

Маған қызық тілдерің

Естен кетпес күндерің

Сендердікі болашақ

Өтер балғын жастық шақ

Озат болып оқыңдар

Ойға  білім тоқыңдар.

Ән: «Біріншіге барамын»

Тәрбиеші: 

Бір ата, бір ананың тірегіміз

Бір болсын қайда жүрсек тілегіміз

Бірлік барда, тірлік бар деген бабам,

Бірлікпенен бірге соқсын жүрегіміз

Ән: «Көңілді күн»

Құттықтау сөз:

Мұғалімнің қорытындылауы, балаларға тілек білдіруі.

 Осымен бүгінгі «Біріншіге барамыз» атты ертеңгілімізді аяқтаймыз.Балаларға ақ жол