Атышулы Шалқарда тағы да мектеп оқушысы пышақталды

Ақтөбе облысы Шалқар ауданында жасөспірім төбелес кезінде пышақ жарақатын алып, дереу санавиациямен қалаға жеткізілді. Мектеп оқушысына ота жасалды. Ал күдікті деп танылған 9-сынып оқушысы қамауға алынған, деп хабарлайды NUR.KZ порталына Oinet.kz сайты сілтеме жасап.

135033.jpg

Жасөспірімдер арасындағы жанжал 27 қаңтар күні кешкі уақытта Шалқар қаласында тіркелді. Төбелес қатарластар арасында болған. Екі мектептің оқушылары кездесіп, араларындағы түсініспестікті пышақ ала жүгірумен шешкен.

Аталған факті бойынша ҚР ҚК 99-бабы "Адам өлтіруге оқталу" бойынша іс қозғалып, сотқа дейінгі тергеу амалдары басталды.

"Оқушылар арасындағы жанжалдан 16 жастағы жасөспірім пышақ жарақатын алды. Полиция оқиғаның барлық қатысушыларын анықтады. Қылмыс жасады деген күдікпен 9-сынып оқушысы ұсталды", - дейді облыстық ПД баспасөз қызметі.

Оқушылар арасындағы төбелестен кейін полиция қызметкерлері Шалқар қаласында орта мектептің ата-аналарын шұғыл шақырып, жиналыс өткізді.

"Жасөспірімдер арасында қылмыс пен құқық бұзушылықтың алдын алу отбасының,  мектептің міндеті болып табылады. Тәрбие отбасынан басталуы керек. Ата-аналар баланың қайда екенін білуі тиіс. Полиция оқу орындарында алдын алу шараларын өткізуде, бірақ бұл аз, біз қоғаммен бірлесіп оқушылар арасындағы құқық бұзушылықтарға қарсы тұруға тиіспіз", - деді Қанат Нұрмағамбетов.

Естеріңізге салсақ, 2019 жылдың 28 қаңтарында Шалқар қаласындағы мұз айдынында жасөспірімдер арасындағы төбелестен 10 сынып оқушысы көз жұмған еді.

Кейін оқғиғаға кінәлі деп танылаған бозбала 9 жылға бас бостандығынан айырылды.


Мүмкін сізді қызықтыратын тақырыптар:

  • Доктор Халел Досмұхамедұлы
  • Бетеге кетер, бел қалар...
  • Мағазы Масанчи деген кім?
  • Абай туралы телехикаяға кастинг жариялады
  • Анасын өлтіру үшін киллер жалдаған рэп жұлдызы 99 жылға сотталды
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика