Шымкенттің әкімі Ғабит Сыздықбеков топырақ жолдардың мәселесін шешетінін айтты. Бұл үшін қалада жаңа технологиямен жол жабыны төселуде.

  «Биылдан бастап топырақ жолға заманауи технологияларды қолданып, ресайклинг тәсілімен жол жабыны төселуде. Бұл тәсіл оң нәтижесін беріп отыр. Өзекті мәселені ескеріп, келер жылы жолдарды күтіп ұстауға бөлінген қаржы көлемін едәуір ұлғайттық. Осының есебінен ұзақ жылдан бері келе жатқан топырақ жолдар мәселесі шешімін табады», - деді қала басшысы бүгін Астанадағы Орталық коммуникациялар орталығында өтіп жатқан брифингте.