Мәслихатының кезектен тыс сессиясында депутаттар шешімімен Қостанай облысының 5 ауылы қысқартылды, деп хабарлайды OINET.KZ сайтының тілшісі inform.kz сайтына сілтеме жасап.

Қостанай облысының 2016-2020 жылдарға арналған даму бағдарламасына мәслихат депутаттары түзетулер енгізді. Соның бірі – облыстың әкімшілік-аумақтық құрылымындағы өзгерістер. Атап айтқанда, Қостанай ауданының Янушевка, Денисов ауданының Чебендовка, Әулиекөл ауданының Киров, Қарасу ауданының Братское және Күлеңсай ауылдары облыс картасынан алынып тасталды. 

Депутаттардың сөзінше, олардың барлығы ірі елді мекендерге қосылған. Тағы сондай төрт ауылдық округ ауыл санатына енді.