Мұғалім оқушылармен бірге отбасылық суреттер жайлы әңгімелесіп отырған еді. Бір баланың шашының түсі оның отбасы мүшелерінің шашының түсінен мүлдем басқаша екен. Осыны байқаған бір бала оның асыранды бала болуы мүмкін екенін айтты. Сол кезде кішкентай қыз тұрып: «Мен де асыранды болу дегеннің қандай екенін білемін. Себебі мені де ата-анам асырап алған», - деді. «Ол қалай екен?» - деген сұраққа қыз былай деп жауап берді: «Бұл дегеніміз – анамыз бізді құрсағында емес, жүрегінің түбінде өсірді деген сөз».