Атырауда қызды құтқарамын деп мерт болған полицей жақында үйленбек болған

Oinet.kz 26-03-2019 930

Screenshot_8.jpg

Атырауда өзіне қол салмақ болған қызды құтқарып, өзі мерт болған полицей жігіт екі айдан кейін отбасын құрмақ болған. Бұл туралы stan.kz жазады.  Жігіттің сүйіктісімен түскен видеосы тарады. 

Өткен аптада жас полицей Шалқар Ақымғалиев өзгенің өмірі үшін өз өмірін құрбан етті. Суға кеткен қызды құтқармақ болды. Алайда су ағынына қарсы тұра алмады. 

Ерлікпен қаза тапқан жігіттің жерлеуіне жүздеген адам келді.  Көпшілік жас жігіттің қыршыннан қиылғанына қайғырды. Желіде марқұм болған Шалқардың сүйіктісімен түскен видеолары тарады. 24 хабар арнасының мәліметінше, жас полицей екі айдан соң үйленбек болған екен. 

"Біз мектеп кезінен дос еідк. Бірге колледжде оқыдық. Ол арамызда көшбасшы болды. Сенімді жолдас еді. Кез келген сәтті көмекке келетін", - дейді досы Абай Төребаев. 

"Жап-жас жігіттің ақымақ қыз үшін өмірі құрбан болды", "Жақындарына, сүйіктісіне жаным ашиды, өте ауыр естеліктер екен", "Отбасына сабырлық тілеймін", - деп жазды желідегілер.

25 жастағы Шалқар Ақымғалиев отбасының жалғыз асыраушысы болған. Ішкі істер министрі Шалқардың анасына көңіл айтты.

0d79983a0d0343a18d1c26f5c31f5a81.jpg

Қазақстанның туымен шөптің бетін жапқан
Актриса: Егер келесі Президент Дариға болса, мен бұл елден көшіп кетемін
Сәйкес тақырыптар
Көтерілу