Америкалық Уильям Келин мен Грэгг Семенза және британдық Питер Рэтклифф медицина және физиология саласындағы 2019 жылғы Нобель сыйлығы лауреаттары атанды, деп хабарлайды OINET.KZ сайтының тілшісі 24.kz сайтына сілтеме жасап.

Ғалымдар ағза жасушаларының оттегі деңгейінің өзгерістеріне қалай бейімделетінін зерттеген. Бұл зерттеулер қан аздық, қатерлі ісік секілді аурулармен күрес жүргізудің жаңа тәсілдерін ойлап табуға көмектесуі тиіс. 

Енді сыйлықты табыстау рәсімі 10 желтоқсанда Швеция астанасы СтокгОльмде өтеді. Осы аптада сондай-ақ физика, химия, әдебиет бойынша және бейбітшілік саласындағы Нобель сыйлығы лауреаттарының есімдері белгілі болады.