Украинада "Львов" әуежайының маңында жанармайы бітіп қалған ұшақ құлап, төрт адам қаза тапты. Бұл туралы Украинаның инфрақұрылым министрі Владислав Криклий Facebook-тегі парақшасында мәлімдеді, деп хабарлайды OINET.KZ сайтының тілшісі sputniknews.kz сайтына сілтеме жасап.

"Алдын ала мәлімет бойынша, төрт адам қайтыс болды. Жанармайдың бітіп қалуына байланысты апатты жағдайда қонған. Оқиғаны тергеу басталды", - деп жазды Владислав Криклии әлеуметтік желіде.

Қазіргі таңда оқиға бойынша тергеу амалдары жүргізілуде. Украинаның инфрақұрылым министрлігінің басшысы қаза тапқандардың туыстары мен достарына көңіл айтты.